Динамиката во живеењето, турбуленциите како и финансиската криза ја наметнаа потребата во компаниите од лидери со јак интегритет, лидери кои вложуваат во личен раст и развој и максимално се вложуваат во градење на одржливи организации. Лидери кои што со нивните карктеристики, вредности и способности ги мотивираат вработените во креирањето на вистинска вредност за клиентите. Тоа се автентичните лидери.
Што значи автентичност? Автентичност значи да се познаваме себеси, зборот автентичен етимолошки е поврзан со зборот “authento” и значи поседување целосна моќ. Да се биде автентичен подразбира да се биде доследен на самиот себе, да се постапува со интегритет, да се почитува, да не се следи масата, туку да се инспирира масата и да се придвижи кон исполнувањето на поставените цели. Автентичното лидерство е начин на кој лидерите освен што се свесни за начинот на кој тие размислуваат и се однесуваат, за нивната вредност, за нивните јаки и слаби страни, туку исто така се свесни за истите вредности и карактеристики на вработените и следбениците. Автентичните лидери максимално се стремат да ги инспирираат вработените во остварувањето на целите на компаниите.
Автентични лидери сакаат да ги поддржат и да ги поттикнат другите, и со тоа тие се предводени од потенцијалите на својот ум, срце и страст. Тоа е модел на лидерско однесување кое го поттикнува позитивниот и психолошки капацитет, создава позитивена етичка клима, го поттикнува позитивниот личен и тимски развој. Тоа се лидери кои и јавно и позади затворени врати го имаат истиот став и мислење. Според академиците (Luthans and Avolio, 2003) основни компоненти на автентичните лидери се:
Самосвесност (себе познавање) - подразбира лидерот да биде свесен за своите лични и професионални атрибути, вклучувајќи ги личните чувствата, професионалните вредности и мотиви.
Само контрола - способност на лидерот да биде ускладен во своите дејствија и говор, без пристрасност туку со објективност во поставувањето на организациските цели и приоритети.
Балансирана обработка на информација – подразбира објективност во процесот на несење одлуки од страна на лидерот каде што тој ги зема во предвид сите релевантни податоци и потенцијални солуции.
Рационална транспарентност – кога лидерите се рационално транспарентни тие придонесуваат вработените лесно да ги разберат нивните мотивите, цели и плановите и тоа на вработените им даваат чувство на сигурност и доверба на работното место и придонесува тие да се чувствуваат дека се дел од тимот.
Изградувањето во автентичен лидер е остверливо преку личен раст и развој и тоа само посебе потоа придонесува до професиолален раст и развој. Има повеќе начини, можности и програми.
“Formal education will make you a living; self-education will make you a fortune”.
Jim Rohn
_________________________________________________________
Автор:
М-р Верита Акташ
Оснивач на Веритас Коучинг
Професионален Коуч и Тренер